د میرویس نیکه لوړو زده کړو مؤسسی اقتصاد پوهنځی په ۱۳۹۲ هجری لمریز کال کی تائسیس او په ۱۳۹۳ هجری لمریز کال کښي د اقتصاد پوهنځی په نامه د میرویس نیکه لوړو زده کړو مؤسسی د پوهنځیو په ډله کښي په عملی توګه شامله شوه. نوموړی پوهنځی دوی څانګی لری:
د تجارت د اداری څانګه
د بانکی او مالی چارو څانګه
اقتصاد پوهنځي د مجربو استادانو په درلودلو او د عصری اسانتیاوو څخه په ګټه اخیستنی سره زده کړه ایز بهیر مخته وړی. او د هیواد په کچه په مالی، مدیریتی اواقتصادی برخو کښي د زده کړو او څیړنو له لاری په ټولنه کښي وده او پیاوړتیا رامنځته کولو ته ژمنه ده.
(لیرلید)Vision:
(اقتصاد پوهنځئ به د هیواد په کچه په مالي، مدیریتي او اقتصادي برخو کې د زده کړو او څیړنو له لارې په ټولنه کې وده او پیاوړتیا رامنځ ته کړي).
ماموریت (رسالت)Mission:
(اقتصاد پوهنځئ د یو علمي، مسلکي او څيړنیز نهاد په حیث د تولیدي او تجارتي ټولنې د بیلابیلو برخو لپاره علمي کادرونه روزي).
موخې (Goals):
1. د علمي پروګرامونو او کورسونو چمتو کول ترڅو محصلین فوق لیسانس زده کړو او کاري ساحو ته لاره پیدا کړي.
2. په دقیق ډول د هیواد د بازار او اقتصاد ارزونه کول.
3. په اقتصادي برخه کې د ټولنې د اړتیاوړ کاري ځواک روزلو ته ژمن پاتې کیدل.
4. د زده کړه ئیزو پروګرامونو او کړنو له لارې د محصلینو او ټولنې ټولنیزو او فرهنګي ارزښتونو ته لوړوالی ورکول.
5. د آرام زده کړه ئیز چاپریال رامنځ ته کول.
6. د مختلفو اقتصادي تجاربو په ذریعه د هیواد د عامه او خصوصي اقتصادي پالیسیو لپاره نوې طرحې پلټل.
7. داسې عملي او فکري څېړنې کول ترڅو د تجارتي او اقتصادي اورګانونو اهمیت، اغیزې او ګټور مسیر څرګند کړي.
اساسي ارزښتونه (Core Values):
1) مناسبې پرېکړې: موږ ډاډ ورکوو، چې زموږ پریکړې پر کره معلوماتو بنأ دي او زموږ د محصلینو او ټولنې ګټې او ارزښتونه پکې نغښتې.
2) بشپړتیا او شفافیت: موږ مسلکي خدماتو، لوړو اکاډمیکو معیارونو او اخلاقي کړنو ته ارزښت ورکوو او د عملي کولو لپاره يي متعهد یو.
3) تلپاتې دزه کړې: موږ بارو لرو چې زده کړې یوه اږودمهاله او تلپاتې اړتیا ده. د دغه اړتیا رفع کولو لپاره د محصلینو لپاره فرصتونه ایجادوو او په دغه برخه کې یی هڅوو.
4) نوښت او ابتکار: موږ باور لرو چې ابتکارات ټولنه د پرمختګ په لوري خوځوي، د دې لپاره په داسې درسي فضا او څیړنیزو پروګرامونو کار کوو چې په ټولنه کې د نویو نوښتونو او هوسايي لامل شي.
5) ټولنیز خوندیتوب: په علمي برخه کې پر نړیوال کيدنې باور لرو. ددې لپاره په داسي درسي چاپریال باندې کار کوو چې زموږ د مذهب او کلتور په چوکاټ کې د هر غړي احساسات او معنویات خوندي وي.
