پیغام:
زموږ ګران هیواد افغانستان دا څلویښت کاله د اور په لمبو کي سوځي، چي دلیل یی هم زموږ د تعلیم څخه بی برخي ده، یواځیني لار چي موږ ددې ناخوالو څخه ځان ژغورلای سو هغه زده کړه ده نو راځي ځان د علم په ګاڼه سمبال کړو ترڅو د نړیوالو سره یو ځل بیا سیالان سو.
لنډه پیژندنه:
۳۲ کلن ډاکټر نقیب الله افغان د میرویس نیکه لوړو زده کړو مؤسسې مؤسس په ۱۳۶۸ هجري لمریز کال کي د هلمند ولایت په لښکر ګاه ښآر کي زیږیدلی دی، د وخت د ستونزو سره سره یی په خپل زده کړو پیل وکړ، چي په خپل ولایت کي د ښوونځۍ څخه فارغ سوی دی، ښاغلي افغان د خپل ذوق په اساس لوړي زده کړي د ننګرهار ولایت د طب پوهنځۍ په برخه کي بشپړي کړیدي، تر فارغه کیدو وروسته هندوستان ته تللی او د ماسټری تر کچي پورې یی هلته خپلي زده کړي سرته رسولي دي. د ژوند تر ټولو غټه هیله یی دا وه چي یو پیاوړي ښوونیز سکټور رامنځته کړي څو د همدې لاري خپل ملت ته خدمت وکړي، د ښاغلي افغان په خبره چي کله محصل وو ځینی کسانو به پیغور ورکاوه، چي کندهار تر اوسه یو پیاوړي ښوونیز سکټور نلري. نو تدبیر یی ونیوی څو یو پوهنتون ولري چي نن یې د صحنې شاهدان یؤ. د هیواد په کچه یی زر ګونو ځوانانو ته یی د زده کړي زمینه مساعده کړې ده، تر اوسه شاوخوا (۳۲۱۶) زده کړیالان په زده کړه بوخت دی.
